Миш-мишларга кўра, ярим ҳимоячи Бруну Фернандеш ёзги трансфер ойнасида "Манчестер Юнайтед"ни тарк этиши мумкин. Хабарга кўра, португалиялик футболчи клубини ўзгартиришга тайёр, чунки "қизил иблислар" узоқ вақтдан бери илк бор еврокубокларсиз қолишга яқин турибди.
Қайд этилишича, 29 ёшли Фернандешга нафақат "Бавария", балки яна бир топ-клуб "Интер" ҳам қизиқиш билдирмоқда. Шу билан бирга, манба "Манчестер Юнайтед" футболчилари орасида Фернандешнинг клубда қолишига шубҳа борлигини ҳам маълум қилди.
Нуфузли Transfermarkt портали Бруну Фернандешни 70 миллион еврога баҳоламоқда.
