Tibo Kurtua “Alaves”ga qarshi bahsda 10 ta seyvni amalga oshirdi.
La Liganing 36-turida “Real” yirik 5:0 hisobida g‘alaba qozondi.
Kurtua 16 yil ichida bir o‘yinda 10 yoki undan ortiq seyv amalga oshirib, La Ligada o‘z darvozasi daxlsizligini saqlab qolgan “Real Madrid”ning birinchi darvozaboni bo‘ldi. Belgiyalikdan oldin 2008 yilning yanvarida faqatgina Iker Kasilyas bunga erishgandi - o‘shanda ispaniyalik "Saragosa" bilan o‘yinda 11 marta seyv qilgandi.
Eslatib o‘tamiz, Kurtua joriy mavsumda atigi 3 ta o‘yinda maydonga tushdi. U yaqindagina tizzasidan olgan og‘ir jarohatlaridan so‘ng maydonga qaytgan. Tibo qaytganidan keyingi 3 ta o‘yindan birortasida ham gol o‘tkazib yubormadi.
