Тибо Куртуа “Алавес”га қарши баҳсда 10 та сэйвни амалга оширди.
Ла Лиганинг 36-турида “Реал” йирик 5:0 ҳисобида ғалаба қозонди.
Куртуа 16 йил ичида бир ўйинда 10 ёки ундан ортиқ сэйв амалга ошириб, Ла Лигада ўз дарвозаси дахлсизлигини сақлаб қолган “Реал Мадрид”нинг биринчи дарвозабони бўлди. Бельгияликдан олдин 2008 йилнинг январида фақатгина Икер Касильяс бунга эришганди - ўшанда испаниялик "Сарагоса" билан ўйинда 11 марта сэйв қилганди.
Эслатиб ўтамиз, Куртуа жорий мавсумда атиги 3 та ўйинда майдонга тушди. У яқиндагина тиззасидан олган оғир жароҳатларидан сўнг майдонга қайтган. Тибо қайтганидан кейинги 3 та ўйиндан бирортасида ҳам гол ўтказиб юбормади.
