Joan Laporta "Barselona" haqidagi gaplaridan so‘ng Xaviga ishonchini yo‘qotdi.

Chorshanba kuni "Blaugrana" bosh murabbiyi klubning moliyaviy ahvoli haqida gapirib, uning iqtisodiy ahvoli "Real Madrid" va boshqa Yevropa jamoalaridan ham yomonroq ekanini ta’kidladi.

COPE xabariga ko‘ra, klub prezidenti Xavidan nafaqat g‘azablangan, balki "butunlay hafsalasi pir bo‘lgan". Laportaning fikricha, murabbiy o‘z uyida erishilgan kelishuvlarni hurmat qilmayapti.

Ta’kidlanishicha, "Barselona" rahbari 44 yoshli mutaxassisdan jamoaga ishonch so‘ragan va endi jarangdor bayonotlardan so‘ng Laporta Xavini o‘zida bor narsaga ishonmaydigan odatiy murabbiy deb hisoblaydi.

Qolaversa, Laporta hujumchi Vitor Roke yuqori raqobat tufayli o‘ynamayotgani va hali o‘rganishi kerak bo‘lgan narsasi borligi haqidagi gaplari yoqmadi. Qayd etilishicha, aynan Xavi braziliyalik futbolchi bilan qishda shartnoma imzolanishini talab qilgan, sport direktori Deku esa futbolchining avvaliga rejalashtirilganidek yozda kelishini xohlagan.