Mixail Mudrik mavsumning so‘nggi o‘yinida "Chelsi"da o‘ynamaydi.

Yakshanba kuni “ko‘klar” APLning 38-turi doirasida “Bornmut”ni qabul qiladi. Futbolchi kecha "Brayton"ga qarshi o‘yinda (2:1) Tarik Lempti bilan to‘qnashib ketganidan keyin boshidan jarohat oldi. Kristofer Nkunku 42-daqiqada miya chayqalishi shubhasi tufayli Mudrikni almashtirdi.

Keyinroq futbolchi ijtimoiy tarmoqlarda muxlislarga murojaat qildi.

“Afsuski, bu mavsum men uchun tugadi. Qo‘llab-quvvatlagan barcha xabarlaringiz uchun tashakkur, men o‘zimni yaxshi his qilyapman.

Keyingi mavsumda ko‘rishguncha, ko‘klar! Bu o‘yinning bir qismi”, — deb yozgan Mudrik.

Umuman olganda, 23 yoshli futbolchi joriy mavsumda Premyer-liganing 31 ta uchrashuvida 5 ta gol urdi va 2 ta golli uzatmani amalga oshirdi.