“Liverpul” markaziy himoyachisi Joel Matip jamoani erkin agent sifatida tark etadi. Jurnalist Fabrisio Romanoning xabariga ko‘ra, mersisaydliklar rahbariyati tajribali kamerunlik futbolchining amaldagi shartnomasini uzaytirmaslikka qaror qilgan.

Matip “Liverpul”da 2016 yilning yozidan beri o‘ynab kelmoqda. 32 yoshli futbolchi "Enfild"dagi 8 yil davomida barcha mumkin bo‘lgan sovrinlarni, jumladan, Angliya Premyer-ligasi va Chempionlar Ligasini qo‘lga kiritishga muvaffaq bo‘ldi.

Matip joriy mavsumni “Liverpul”ning asosiy himoyachisi sifatida boshlagan, biroq keyinchalik jiddiy jarohat olib, bir necha oy maydonga tusha olmagan.