“Ливерпуль” марказий ҳимоячиси Жоэль Матип жамоани эркин агент сифатида тарк этади. Журналист Фабрицио Романонинг хабарига кўра, мерсисайдликлар раҳбарияти тажрибали камерунлик футболчининг амалдаги шартномасини узайтирмасликка қарор қилган.
Матип “Ливерпул”да 2016 йилнинг ёзидан бери ўйнаб келмоқда. 32 ёшли футболчи "Энфилд"даги 8 йил давомида барча мумкин бўлган совринларни, жумладан, Англия Премьер-лигаси ва Чемпионлар Лигасини қўлга киритишга муваффақ бўлди.
Матип жорий мавсумни “Ливерпул”нинг асосий ҳимоячиси сифатида бошлаган, бироқ кейинчалик жиддий жароҳат олиб, бир неча ой майдонга туша олмаган.
