Xvicha Kvarasxeliya golsiz o‘yinlar seriyasini buzdi.
“Napoli” vingeri A Seriya 37-turida “Fiorentina” bilan o‘yinning 57-daqiqasida hisobni tenglashtirdi – 2:2. Gruziyalik futbolchi jarima zarbasidan aniq foydalandi.
Shu kungacha oxirgi marta Kvarasxeliya 8 mart kuni gol urgan edi. O‘shandan beri u Gruziya terma jamoasi va neapolliklar safida 8 ta o‘yin o‘tkazdi.
Joriy Italiya chempionatida 23 yoshli futbolchi 33 uchrashuvda 11 ta gol urdi va 6 ta golli uzatmani amalga oshirdi.