“Borussiya” bosh murabbiyi Edin Terzich “asalarilar”ning 35 yoshli markaziy himoyachisi Mats Xummelsning Germaniya terma jamoasi bosh murabbiyi Yulian Nagelsmanning uni Yevro-2024 terma jamoasiga kiritmaslik qaroriga munosabati haqida gapirdi.

"Men bu qaror Matsga ta’sir qilganini his qildim. [Nagelsmann bilan] suhbatdan keyin u juda hafsalasi pir bo‘ldi. Mats menga endi biz katta maqsadimiz – Chempionlar ligasida g‘alaba qozonish uchun qo‘limizdan kelganini qilishimiz kerakligini aytdi", — deya Terzich so‘zlarini keltirmoqda Reuters.

Eslatib o‘tamiz, avvalroq Germaniya terma jamoasi 2024 yilgi Yevropa chempionati uchun kengaytirilgan qaydnomasini e’lon qilgan edi.