“Bavariya” vingeri Kingsli Koman aprel oyida jarohat olgan edi.

Matbuot fransiyalik futbolchining Yevro-2024da ishtirok etish imkoniyati juda past ekanligini ta’kidlagan edi, biroq futbolchi umidsizlikka tushmadi, balki tiklanish ustida ishlay boshladi.

Bir necha hafta oldin Koman qit’a futbol forumiga tayyor bo‘lish umidida o‘z faoliyatini davom ettirdi.

Bild xabariga ko‘ra, dushanba kuni Koman yengil dribling paytida qattiq og‘riq his qilgan va tizzasini yana shikastlab olgan.

Yordam ko‘rsatilganidan so‘ng futbolchi oqsoqlangan holda kiyim almashtirish xonasiga yo‘l oldi. Kingslining yangi jarohatining jiddiyligi aniq emas.