Ross Barkli “Luton”ni tark etib, “Aston Villa”ga qaytishi mumkin.

Klub 2020/21 yilgi mavsumda "Chelsi"dan ijara asosida o‘ynagan 30 yoshli yarim himoyachini ortga qaytarishni rejalashtirmoqda. Bu safar gap to‘liq transfer haqida ketyapti, uning kelishuvi yakuniy bosqichida.

"Villa" 1982/83 yilgi mavsumdan beri ilk bor yevrokuboklarda qatnashadi. Shu sabab ular o‘z tarkibini kuchaytirmoqchi. Unai Emeri shogirdlari Premyer-liganing kuchli to‘rtligiga kirdi va Chempionlar ligasida o‘ynash huquqini qo‘lga kiritdi. 18-o‘rinni egallagan “Luton” chempionshipga tushib ketdi.

O‘tgan oy Barkli: "Men Premyer-ligada o‘ynashni xohlayman. Men yana yevrokuboklarda o‘ynashni xohlayman... Kelgusi uch yil ichida, ehtimol, hali ham o‘z imkoniyatlarim cho‘qqisida bo‘lishimni his qilyapman", - degan futbolchi.

Joriy mavsumda angliyalik futbolchi APLning 32 ta uchrashuvida qatnashib, 5 ta gol va 4 ta golli uzatmaga mualliflik qilgan.