Росс Баркли “Лутон”ни тарк этиб, “Астон Вилла”га қайтиши мумкин.

Клуб 2020/21 йилги мавсумда "Челси"дан ижара асосида ўйнаган 30 ёшли ярим ҳимоячини ортга қайтаришни режалаштирмоқда. Бу сафар гап тўлиқ трансфер ҳақида кетяпти, унинг келишуви якуний босқичида.

"Вилла" 1982/83 йилги мавсумдан бери илк бор еврокубокларда қатнашади. Шу сабаб улар ўз таркибини кучайтирмоқчи. Унаи Эмери шогирдлари Премьер-лиганинг кучли тўртлигига кирди ва Чемпионлар лигасида ўйнаш ҳуқуқини қўлга киритди. 18-ўринни эгаллаган “Лутон” чемпионшипга тушиб кетди.

Ўтган ой Баркли: "Мен Премьер-лигада ўйнашни хоҳлайман. Мен яна еврокубокларда ўйнашни хоҳлайман... Келгуси уч йил ичида, эҳтимол, ҳали ҳам ўз имкониятларим чўққисида бўлишимни ҳис қиляпман", - деган футболчи.

Жорий мавсумда англиялик футболчи АПЛнинг 32 та учрашувида қатнашиб, 5 та гол ва 4 та голли узатмага муаллифлик қилган.