“Milan” va Germaniya terma jamoasining sobiq himoyachisi Karl-Xayns Shnellinger vafot etdi.

Ikki karra jahon chempionati sovrindori 85 yoshida olamdan o‘tdi. Sobiq futbolchi Milandagi shifoxonada vafot etdi. U yaqinda shu shaharda yashagan.

Faoliyati davomida Shnellinger “Kyoln” (Germaniya chempioni bo‘ldi), “Roma” (Italiya kubogini qo‘lga kiritdi), “Milan” (Italiya chempioni va uch karra Kubok sohibi bo‘ldi, ikki marta Kubok egalari kubogi va bir marta Yevropa kubogi sohibi) klublarida o‘ynadi. Shuningdek, u klubning Shon-sharaf zaliga kiritilgan.

Germaniya terma jamoasi tarkibida 1966 yil Angliyada o‘tkazilgan jahon chempionatining ikkinchi, 1970 yilda Meksikada o‘tkazilgan jahon chempionatining uchinchi  o‘rinni qo‘lga kiritdi. Umuman olganda, u jamoa uchun to‘rtta JCHda (1958 va 1962 yillarda ham) o‘ynagan.