“Милан” ва Германия терма жамоасининг собиқ ҳимоячиси Карл-Хайнц Шнеллингер вафот этди.

Икки карра жаҳон чемпионати совриндори 85 ёшида оламдан ўтди. Собиқ футболчи Миландаги шифохонада вафот этди. У яқинда шу шаҳарда яшаган.

Фаолияти давомида Шнеллингер “Кёльн” (Германия чемпиони бўлди), “Рома” (Италия кубогини қўлга киритди), “Милан” (Италия чемпиони ва уч карра Кубок соҳиби бўлди, икки марта Кубок эгалари кубоги ва бир марта Европа кубоги соҳиби) клубларида ўйнади. Шунингдек, у клубнинг Шон-шараф залига киритилган.

Германия терма жамоаси таркибида 1966 йил Англияда ўтказилган жаҳон чемпионатининг иккинчи, 1970 йилда Мексикада ўтказилган жаҳон чемпионатининг учинчи  ўринни қўлга киритди. Умуман олганда, у жамоа учун тўртта ЖЧда (1958 ва 1962 йилларда ҳам) ўйнаган.