Markaziy himoyani kuchaytirish «Manchester Yunayted»ning yozgi transfer oynasidagi asosiy maqsadlaridan biri.
Mavsum yakunlangach, shartnomasi yakunlanadigan Rafael Varan «qizil iblislar»ni tark etadi. Jurnalist Kris Uiler xabariga ko‘ra, «Manchester Yunayted» yaqinlashib kelayotgan transfer davrida ikkita yangi markaziy himoyachini sotib olmoqchi. O‘ng markaziy himoyachi pozisiyasiga klub «Nissa»dan Jan-Kler Todibo va «Fulxem»ni erkin agent sifatida tark etayotgan Tosin Adarabioyoni ko‘rib chiqmoqda.
Jerred Brentueyt chap markaziy himoyachi roli uchun ustuvor variant hisoblanadi, ammo, agar «Everton» ingliz uchun 65 million yevrodan ko‘proq talab qilsa, mankunianliklar rahbariyati «Kristal Pelas»dan Mark Gexi nomzodiga o‘tadi.
