Марказий ҳимояни кучайтириш «Манчестер Юнайтед»нинг ёзги трансфер ойнасидаги асосий мақсадларидан бири.
Мавсум якунлангач, шартномаси якунланадиган Рафаэль Варан «қизил иблислар»ни тарк этади. Журналист Крис Уилер хабарига кўра, «Манчестер Юнайтед» яқинлашиб келаётган трансфер даврида иккита янги марказий ҳимоячини сотиб олмоқчи. Ўнг марказий ҳимоячи позициясига клуб «Ницца»дан Жан-Клер Тодибо ва «Фулхэм»ни эркин агент сифатида тарк этаётган Тосин Адарабиойони кўриб чиқмоқда.
Жерред Брэнтуэйт чап марказий ҳимоячи роли учун устувор вариант ҳисобланади, аммо, агар «Эвертон» инглиз учун 65 миллион евродан кўпроқ талаб қилса, манкунианликлар раҳбарияти «Кристал Пэлас»дан Марк Гехи номзодига ўтади.
