Leverkuzenning "Bayer" klubi sport direktori Simon Rolfes hozirda "Inter" safida harakat qilayotgan Hoqon Chalxano‘g‘li haqida fikr bildirdi.
"Men Hoqonning fazilatlariga hech qachon shubha qilmaganman, garchi u biz uchun boshqa pozisiyada o‘ynagan bo‘lsa ham. To‘g‘ri, u o‘shanda orqaga yugurishni yoqtirmasdi, asosan faqat oldinga o‘tardi. U juda tez emas edi. Ammo o‘z pozisiyasini o‘zgartirgandan keyin u juda o‘zgardi. Bu borada u Toni Kroosga juda o‘xshaydi. Aytgancha, bu ular orasidagi yagona o‘xshashlik emas", - deya Rolfesning so‘zlarini keltiradi Bild.
