Yevro-2024da Germaniya terma jamoasi sardori UEFA standartidagi bog‘ich bilan o‘ynaydi.
Yevro-2020 va JCH-2022dan farqli o‘laroq, futbolchilar bo‘lajak turnirda siyosiy bayonotlar bilan chiqishmaydi. Bu murabbiy Yulian Nagelsmannning xohishi.
Shu munosabat bilan Ilkay Gyundogan One Love yozuvi bo‘lgan bog‘ich taqmaydi. U UEFA rasmiy bog‘ichi bilan o‘ynaydi.
Bugun bu ma’lumotni Germaniya futbol ittifoqi tasdiqladi. Mamlakat futbol ittifoqi prezidenti Bernd Noyendorf asosiy maqsad siyosiy masalalarda ishtirok etish emas, balki milliy terma jamoaning tinchligi va barqarorligi ta’minlash ekanligini ta’kidladi.