"Manchester Yunayted"ning chap qanot himoyachisi Lyuk Shou jarohati haqida gapirdi.

28 yoshli futbolchi jarohati tufayli fevral oyidan beri «Manchester Yunayted»da o‘ynamagan bo‘lsa-da, Angliyaning Yevro-2024 uchun kengaytirilgan tarkibiga kiritildi.

Muxlislar orasida keng tarqalgan fikrga ko‘ra, futbolchi Yevropa chempionati oldidan sog‘ligini xavf ostiga qo‘ymaslik uchun o‘zini ehtiyot qilgan.

“Yigitlar uchun juda xursandman, biroq Angliya kubogi finalini tribunadan tomosha qilish qiyin kechdi.

Mavsum tugaguniga qadar safga qaytish uchun ko‘p mehnat qildim, ammo muvaffaqiyatsizliklar meni ta’qib qilishda davom etdi.

Men hamma narsadan ko‘ra "Manchester Yunayted" bilan o‘ynashni va g‘alaba qozonishni xohlayman. Men odatda ijtimoiy tarmoqlardagi xabarlarga munosabat bildirmayman, lekin ko‘pchilik “Manchester Yunayted”ga sodiqligimga shubha qiladi.

Men bu yerda o‘n yildan beri yashayman. Haqiqat shundaki, men hozir 100% tayyor emasman - bu gap klubga ham, terma jamoaga ham tegishli", - deya Shou so‘zlarini keltiradi Fotmob.