"Манчестер Юнайтед"нинг чап қанот ҳимоячиси Люк Шоу жароҳати ҳақида гапирди.
28 ёшли футболчи жароҳати туфайли февраль ойидан бери «Манчестер Юнайтед»да ўйнамаган бўлса-да, Англиянинг Евро-2024 учун кенгайтирилган таркибига киритилди.
Мухлислар орасида кенг тарқалган фикрга кўра, футболчи Европа чемпионати олдидан соғлигини хавф остига қўймаслик учун ўзини эҳтиёт қилган.
“Йигитлар учун жуда хурсандман, бироқ Англия кубоги финалини трибунадан томоша қилиш қийин кечди.
Мавсум тугагунига қадар сафга қайтиш учун кўп меҳнат қилдим, аммо муваффақиятсизликлар мени таъқиб қилишда давом этди.
Мен ҳамма нарсадан кўра "Манчестер Юнайтед" билан ўйнашни ва ғалаба қозонишни хоҳлайман. Мен одатда ижтимоий тармоқлардаги хабарларга муносабат билдирмайман, лекин кўпчилик “Манчестер Юнайтед”га содиқлигимга шубҳа қилади.
Мен бу ерда ўн йилдан бери яшайман. Ҳақиқат шундаки, мен ҳозир 100% тайёр эмасман - бу гап клубга ҳам, терма жамоага ҳам тегишли", - дея Шоу сўзларини келтиради Фотмоб.
