«Bayer» yarim himoyachisi Esekyel Palasios «Barselona»ga o‘tishi haqidagi mish-mishlarga izoh berdi. «Blaugrana»ning yangi bosh murabbiyi Xans-Diter Flik argentinalik futbolchini «Kamp Nou»ga taklif qilmoqchi ekani avvalroq xabar qilingandi.
«Barselona»ning qiziqishi men uchun katta sharaf. Bu jamoa menga qiziqish bildirayotganidan g‘ururlanaman», - deya Palasiosdan iqtibos keltiradi "Barca Universal".
Eslatib o‘tamiz, Palasios Bundesliga ortda qolgan mavsumida to‘rtta gol urdi va to‘rtta golli uzatmani amalga oshirdi. Futbolchi jamoasiga chempionat va Germaniya kubogida oltin medallarni qo‘lga kiritishga yordam berdi.