«Байер» ярим ҳимоячиси Эсекьель Паласиос «Барселона»га ўтиши ҳақидаги миш-мишларга изоҳ берди. «Блауграна»нинг янги бош мураббийи Ханс-Дитер Флик аргентиналик футболчини «Камп Ноу»га таклиф қилмоқчи экани аввалроқ хабар қилинганди.
«Барселона»нинг қизиқиши мен учун катта шараф. Бу жамоа менга қизиқиш билдираётганидан ғурурланаман», - дея Паласиосдан иқтибос келтиради "Barca Universal".
Эслатиб ўтамиз, Паласиос Бундеслига ортда қолган мавсумида тўртта гол урди ва тўртта голли узатмани амалга оширди. Футболчи жамоасига чемпионат ва Германия кубогида олтин медалларни қўлга киритишга ёрдам берди.
