"Bavariya" futbolchisi Leroy Sane klubdagi kelajagi haqida o‘z fikrlari bilan o‘rtoqlashdi. 28 yoshli vingerning amaldagi shartnomasi bir yildan keyin tugaydi va shu sababli yakunlangan mavsum davomida futbolchining ketishi mumkinligi haqida tez-tez mish-mishlar tarqalib turardi.
“Oxirgi bir necha hafta ichida men “Bavariya”da o‘ynashdan naqadar zavq olishimni bir necha bor aytdim. Biz allaqachon birinchi muzokaralarni o‘tkazdik va Yevropa chempionatidan keyin, vaqti kelganida davom ettiramiz. Hozir bor e’tiborimni Germaniya terma jamoasiga qaratganman, terma jamoa men uchun juda muhim", - dedi Sane.
