O‘zbekiston boks terma jamoasi lisenziya jamg‘arishda Osiyoda tengsiz bo‘ldi.

26 iyuldan 11 avgustgacha Fransiyaning Parij shahrida yozgi Olimpiyada o‘yinlari bo‘lib o‘tadi. Boks bo‘yicha ushbu musobaqaning barcha yo‘llanma beruvchi turnirlari yakunlandi va terma jamoalar qo‘lga kiritgan lisenziyalar aniq bo‘ldi.

Ma’lumotlarga ko‘ra, Parijga eng ko‘p yo‘llanma Okeaniya mintaqasidan Avstraliya davlati ega bo‘ldi.

Ular musobaqaga 12 vaznda bokschi bilan ishtirok etadigan bo‘lsa, ikkinchi o‘rinda O‘zbekiston boks milliy terma jamoasi turibdi.

Terma jamoa 4-yillikning nufuzli turniriga 11 ta vazn toifasida ishtirok etadi. Ushbu natija bilan O‘zbekiston termasi Osiyo qit’asida birinchilikni qayd etdi.

Keyingi o‘rinlarda Braziliya, Irlandiya va Qozog‘istonlik bokschilar joy olgan. Ularda 10 tadan lisenziya bor.

Bundan tashqari, O‘zbekiston va qo‘shni Qozog‘iston terma jamoalari erkaklar vazn toifasida to‘liq tarkib bilan ishtirok etadi.