"Inter" faxriysi Franchesko Acherbi yaqinda Humanitas Clinical institutida operasiya qilindi.
36 yoshli italiyalik markaziy himoyachi o‘tgan hafta vaqtinchalik tarkibga chaqirilganidan so‘ng mavsumning so‘nggi bosqichida uni bezovta qilgan churra jarohati tufayli safdan chiqqandi.
Uning safdan chiqishi Spalettining imkoniyatlarini qisqartirdi, shuningdek, yakshanba oqshomida "Atalanta" futbolchisi Jorjio Skalvini ham xochsimon paylaridan jarohat oldi.
"Inter"ga yaqin manbalar xabar berganidek, Acherbi operasiyani muvaffaqiyatli o‘tkazdi. Biroz dam olgandan so‘ng, u 2024/25 yilgi mavsum oldidan tiklanish jarayonini boshlaydi.
36 yoshli himoyachining "neradzurrilar" bilan shartnomasi tugashiga bir yil qoldi va u Simone Indzagi jamoasida yangi mavsumda ham qolmoqchi.
