“An-Nasr” hujumchisi Krishtianu Ronaldu o‘zining ijtimoiy tarmoqlarida ta’tildan tushgan surat bilan bo‘lishdi.
Ronaldu surat ostiga: "Sizni Yevroda ko‘rishni intiqlik bilan kutaman", deya izoh qoldirgan.
Eslatib o‘tamiz, Krishtianu Ronaldu 2023 yilda erkin agent sifatida "An-Nasr"ga o‘tgan edi. Yakunlangan mavsumda Ronaldu barcha turnirlarda 45 ta uchrashuvda qatnashib, 44 ta gol va 13 ta golli uzatmani amalga oshirdi.
Transfermarkt portalida berilgan ma’lumotlarga ko‘ra, futbolchining bozor narxi 15 million yevroni tashkil etadi, 39 yoshli Ronaldu 2024 yilgi Yevropa chempionatiga Portugaliya terma jamoasiga chaqirilgan.
Eslatib o‘tamiz, Yevropa chempionati 14 iyun kuni boshlanadi. Portugaliya terma jamoasi guruh bosqichida Chexiya, Gruziya va Turkiyaga qarshi bahs olib boradi.
