«Inter» avvalroq bosh direktor lavozimida ishlab kelgan Juzeppe Marotta klubning yangi prezidenti bo‘lishini ma’lum qildi. Bugun uning nomzodi aksiyadorlar yig‘ilishida tasdiqlanadi.
22 may kuni Amerikaning Oaktree Capital investisiya fondi «Inter»ning yangi egasiga aylangandi.
«Oaktree'ga ular bilan ishlash imkoniyati va yangi direktorlar kengashiga bildirilgan ishonch uchun minnatdorchilik bildirmoqchiman. Ushbu tayinlov so‘nggi uch yil davomida klubni boshqargan ko‘plab odamlar tomonidan amalga oshirilgan ajoyib ishlarning e’tirofidir.
«Inter»ning bir qismi ekanligimdan faxrlanaman. Men klubga sodiq ekanligimni yana bir bor tasdiqlayman», - dedi Marotta.
