«Интер» аввалроқ бош директор лавозимида ишлаб келган Жузеппе Маротта клубнинг янги президенти бўлишини маълум қилди. Бугун унинг номзоди акциядорлар йиғилишида тасдиқланади.
22 май куни Американинг Oaktree Capital инвестиция фонди «Интер»нинг янги эгасига айланганди.
«Oaktree'га улар билан ишлаш имконияти ва янги директорлар кенгашига билдирилган ишонч учун миннатдорчилик билдирмоқчиман. Ушбу тайинлов сўнгги уч йил давомида клубни бошқарган кўплаб одамлар томонидан амалга оширилган ажойиб ишларнинг эътирофидир.
«Интер»нинг бир қисми эканлигимдан фахрланаман. Мен клубга содиқ эканлигимни яна бир бор тасдиқлайман», - деди Маротта.
