«Napoli» Antonio Konteni jamoaga bosh murabbiy etib tayinlaganini e’lon qildi.
54 yoshli mutaxassis bilan shartnoma 3 yilga mo‘ljallangan.
Kontening so‘nggi ish joyi o‘tgan yilning mart oyida tark etgan «Tottenxem» edi. Bungacha italiyalik mutaxassis «Inter», «Chelsi», Italiya terma jamoasi, «Yuventus», «Syena», «Atalanta», «Bari» va «Aresso» klublarini boshqargan.
O‘tgan mavsumda neapolliklar A Seriyada o‘ninchi o‘rinni egallashdi. Italiyalik Franchesko Kalsona fevral oyidan beri jamoa bilan ishlayotgandi.
