2023 yilning fevralida Premyer-liga "Manchester Siti"ni 115 ta moliyaviy qoidalarni buzganlikda aybladi.
Ishning hajmini inobatga olsak, «shaharliklar» jiddiy jazoga duchor bo‘lishi — hattoki, oliy diviziondan chetlatilishi ham mumkin.
Daily Mail nashrining xabar berishicha, "Manchester Siti" ishi bo‘yicha tinglovlar noyabr oyida boshlanadi.
Ular taxminan olti hafta davom etishi kutilmoqda. Sud majlislari yopiq eshiklar ortida o‘tkaziladi.
Avvalroq, APL rahbariyati «Manchester Siti»ga qarshi ish vaqti bo‘yicha hech qanday izoh berishdan bosh tortgandi.
