"Xoch" bog‘lamlari yorilishidan keyin Gavining tiklanishi rejalashtirilganidan tezroq davom etmoqda.
Noyabr oyi oxirida tizzasidan jarohat olgan "Barselona" yarim himoyachisi bir muddat mashg‘ulot o‘tkazdi va hozir trenajyor zalida ishlamoqda. Bugun klub ijtimoiy tarmoqlarda uning yugurish, sakrash va kuch mashqlari aks ettirilgan mashg‘uloti videosini bo‘lishdi.
Gavining klub bilan mavsumoldi mashg‘ulotlarida ishtirok etishi so‘roq ostida qolmoqda. Bu masalada klub futbolchining 100 foiz tiklanishi va umumiy mashg‘ulotlarga muddatidan avval qaytmasligi uchun sabrli bo‘lishni niyat qilgan.
Shu bilan birga, 19 yoshli futbolchi kataloniyaliklarning yangi bosh murabbiyi Xans Flik bilan allaqachon uchrashib bo‘lgan va u vaziyatning rivojlanishini diqqat bilan kuzatib bormoqda. Qayd etilishicha, nemis Gavining iqtidori va xarakterini ijobiy baholab, uni loyihasining eng muhim qismi deb biladi.
