"Yuventus" va Italiya terma jamoasi vingeri Federiko Kyeza klubni tark etmoqchi.

Manbaning xabariga ko‘ra, futbolchi o‘zini jamoada xush ko‘rmayotganini his qilmoqda. Qayd etilishicha, Kezaning yangi shartnoma bo‘yicha iltimosi qondirilmagan va maosh u so‘raganidan ancha kam bo‘lgan.

Italiyalik futbolchiga asosiy davogar "Roma" ekani avvalroq xabar qilingandi. Klub “Yuventus” so‘ragan 40 million yevroni to‘lashga tayyor emas, ammo muzokaralar davom etmoqda.

O‘tgan mavsumda Kyeza barcha musobaqalarda 37 ta o‘yin o‘tkazib, 10 ta gol urdi va 3 ta golga assistentlik qildi.