"Ювентус" ва Италия терма жамоаси вингери Федерико Кьеза клубни тарк этмоқчи.

Манбанинг хабарига кўра, футболчи ўзини жамоада хуш кўрмаётганини ҳис қилмоқда. Қайд этилишича, Кезанинг янги шартнома бўйича илтимоси қондирилмаган ва маош у сўраганидан анча кам бўлган.

Италиялик футболчига асосий давогар "Рома" экани аввалроқ хабар қилинганди. Клуб “Ювентус” сўраган 40 миллион еврони тўлашга тайёр эмас, аммо музокаралар давом этмоқда.

Ўтган мавсумда Кьеза барча мусобақаларда 37 та ўйин ўтказиб, 10 та гол урди ва 3 та голга ассистентлик қилди.