"Kristal Pelas" yarim himoyachisi Maykl Olise faoliyatini "Chelsi"da davom ettirishi mumkin, deb xabar beradi GivemeSport.

Manbaga ko‘ra, "Chelsi" 22 yoshli fransiyalik futbolchi bilan shaxsiy shartnoma shartlarini kelishib olgan. Oldinroq Olisega «Manchester Yunayted», «Aston Villa» va «Arsenal» klublari qiziqish bildirgan edi.

O‘tgan mavsumda Olise Premyer-ligada 19 ta o‘yinda maydonga tushib, 10 ta gol urdi va 6 ta golli uzatmani amalga oshirdi. Transfermarkt portali futbolchining narxini 55 million yevroga baholamoqda.