13 iyul kuni AQSHning Pensilvaniya shtati Filadelfiya shahrida navbatdagi professional boks oqshomi tashkil etiladi.
Unda avval xabar berganimizdek, yarimo‘rta vazn toifasi IBF yo‘nalishida jahon chempioni Jeyron Ennis ringga ko‘tariladi. Ennis oqshom doirasida o‘z kamarini Kodi Kroulidan himoya qilishi zarur edi. Ammo Kroulining sog‘lig‘i bilan bog‘liq abablarga ko‘ra jangda ishtirok eta olmasligi ma’lum bo‘ldi.
Bu vaziyatda Matchroom Boxing promouterlik kompaniyasi rahbari Eddi Xirn hamyurtimiz Shahram G‘iyosovning Jeyron Ennisga qarshi jang qilishi mumkinligini aytgan edi. Bugun Ennisning navbatdagi raqibi rasman e’lon qilindi. Unga ko‘ra, Jeyron bu safar o‘z kamarini David Avanesyandan himoya qiladi.
