"Bayer" bosh murabbiyi Xabi Alonso oilasi futbolga qanday munosabatda bo‘lishi haqida gapirdi.
"Futbol men uchun nimani anglatishi haqida o‘ylaganimda, boshimda juda oddiy kartina paydo bo‘ladi.
Bolaligimda kechqurun dasturxon atrofida yig‘ilganimizni yaxshi eslayman. Onam kechki ovqat pishirayotganda otam har doim yon atrofiga daftar va qalamlarni sochar, taktikasi va jamoa tarkibini yozib olardi. Rostini aytsam, otamni futbolchi sifatida emas, balki murabbiy sifatida ko‘proq eslayman. Uning vazifasi har doim navbatdagi o‘yin yoki keyingi mashg‘ulot haqida qayg‘urish edi va bu Internet, planshetlar va ilg‘or statistikadan oldingi davrda edi, shuning uchun u o‘zining barcha g‘oyalarini qalam bilan yozardi...
Bizga omad kulib boqdi, chunki xonamda hatto kichik kamin bor edi. Bu men va akam uchun mukammal darvoza. Har oqshom kechki ovqatdan oldin kamin yonida futbol o‘ynardik. Har kecha kechki ovqatda biz futbol haqida gaplashardik.
Futbol haqida o‘ylaganimda, stol atrofida o‘tirganimiz haqidagi oddiy tasvirni ko‘z oldimga keltiraman", dedi Alonso.
