Portugaliya bosh vaziri Luish Montenegru terma jamoasining Chexiya bilan 2024 yilgi Yevropa chempionati guruh bosqichining 1-tur uchrashuvidagi g‘alabasiga (2:1) munosabat bildirdi.
Portugaliyaliklar safida hujumchi Shiko Konseysau gol urdi, chexiyalik himoyachi Robin Granak ham avtogol muallifiga aylandi.
"Ular haqiqatan ham ambisiyani ko‘rsatishdi. Ushbu Yevropa chempionatida yuqori darajaga ko‘tarilishimiz va uzoqqa borishimiz mumkinligiga ishonish uchun barcha asoslarimiz bor.
Umid qilamanki, Germaniyaga qaytib kelaman va imkonim bo‘lsa shu yerda bo‘laman. Bugun ko‘chada terma jamoani qo‘llab-quvvatlayotgan boshqa millat vakillarini ko‘p uchratdim. Biz ko‘proq imkoniyatlarimizni golga aylantirishni va xato qilmaslikni boshlashimiz kerak, chunki o‘yin rejadagidek o‘tmasligi mumkin edi", - dedi Montenegru A Bola bilan suhbatda.
Portugaliya keyingi o‘yinni Turkiya bilan 22 iyun kuni "Signal Iduna Park" stadionida (Dortmund) Toshkent vaqti bilan soat 21:00da o‘tkazadi.
