“Jirona” hujumchisi Artem Dovbik Yevropa futbolining top-klublaridan qiziqish haqida gapirdi.

Avvalroq, OAVda 26 yoshli futbolchiga "Arsenal", "Atletiko Madrid", "Milan" va "Barselona" klublari da’vogarlik qilayotgani haqida xabarlar paydo bo‘lgandi.

"Jirona”da baxtliman. Bu jamoadagi barcha bilan o‘zimni qulay his qilaman: futbolchilar, murabbiy va jamoa rahbarlari. Ularning barchasi menga ajoyib munosabatda bo‘lishdi va o‘zimning eng yaxshi futbolimni o‘ynashim uchun shunday sharoitlarni yaratib berishdi. Bu zo‘r", - deya Dovbik so‘zlarini keltiradi AS.

O‘tgan mavsumda Dovbik 41 o‘yin o‘tkazib, 25 gol urdi va 10 golga assistentlik qildi. Ispaniya chempionati yakunida ukrainalik hujumchi 24 ta gol bilan to‘purar bo‘ldi.