Niderlandiya terma jamoasi hujumchisi Vaut Vegxorst vataniga qaytishi mumkin.
Insayder Fabrisio Romanoning so‘zlariga ko‘ra, "Ayaks" 31 yoshli futbolchi bilan shartnoma shartlari bo‘yicha muzokaralarning ilg‘or bosqichida. Amsterdam klubi vakillari va futbolchi kelishuv amalga oshishiga ishonch bildirmoqda. "Ayaks" va "Byornli" o‘rtasidagi muzokaralar davom etishi kutilmoqda.
Vegxorst huquqiga aynan ingliz klubi egalik qiladi. Shu bilan birga, forvard 2023/2024 yilgi mavsumni “Xoffenxaym”da ijara asosida o‘tkazdi.
Eslatib o‘tamiz, Vaut Vegxorst Niderlandiya terma jamoasining Yevro-2024dagi ilk uchrashuvida g‘alaba to‘pini kiritgan edi.
