Нидерландия терма жамоаси ҳужумчиси Ваут Вегхорст ватанига қайтиши мумкин.
Инсайдер Фабрицио Романонинг сўзларига кўра, "Аякс" 31 ёшли футболчи билан шартнома шартлари бўйича музокараларнинг илғор босқичида. Амстердам клуби вакиллари ва футболчи келишув амалга ошишига ишонч билдирмоқда. "Аякс" ва "Бёрнли" ўртасидаги музокаралар давом этиши кутилмоқда.
Вегхорст ҳуқуқига айнан инглиз клуби эгалик қилади. Шу билан бирга, форвард 2023/2024 йилги мавсумни “Хоффенхайм”да ижара асосида ўтказди.
Эслатиб ўтамиз, Ваут Вегхорст Нидерландия терма жамоасининг Евро-2024даги илк учрашувида ғалаба тўпини киритган эди.
