Chorshanba kuni Xorvatiya va Albaniya terma jamoalari Yevropa chempionati-2024 doirasidagi o‘zaro o‘yinda to‘qnash keldi va o‘yinda ikkitadan gol urildi – 2:2 hisobida durang.

Xorvatiya terma jamoasi hujumchisi Andrey Kramarich final hushtagi yangraganidan so‘ng o‘yinning eng yaxshi futbolchisi uchun mukofotni qabul qilib oldi.

U 84 daqiqani maydonda o‘tkazdi va darvozaga yo‘llagan yagona zarbasidan so‘ng gol urishga muvaffaq bo‘ldi. O‘yin davomida Kramarich 10,5 kilometr masofani bosib o‘tdi, maksimal tezligi soatiga 28,7 kilometrni tashkil etdi.

Aytish joizki, turnir nuqtayi nazaridan durang ham Xorvatiyaga ham, Albaniyaga ham mos kelmadi. Yakunda har ikki jamoa uchinchi golni urishga harakat qilishdi, biroq muvaffaqiyat qozona olishmadi.