Чоршанба куни Хорватия ва Албания терма жамоалари Европа чемпионати-2024 доирасидаги ўзаро ўйинда тўқнаш келди ва ўйинда иккитадан гол урилди – 2:2 ҳисобида дуранг.

Хорватия терма жамоаси ҳужумчиси Андрей Крамарич финал ҳуштаги янграганидан сўнг ўйиннинг энг яхши футболчиси учун мукофотни қабул қилиб олди.

У 84 дақиқани майдонда ўтказди ва дарвозага йўллаган ягона зарбасидан сўнг гол уришга муваффақ бўлди. Ўйин давомида Крамарич 10,5 километр масофани босиб ўтди, максимал тезлиги соатига 28,7 километрни ташкил этди.

Айтиш жоизки, турнир нуқтайи назаридан дуранг ҳам Хорватияга ҳам, Албанияга ҳам мос келмади. Якунда ҳар икки жамоа учинчи голни уришга ҳаракат қилишди, бироқ муваффақият қозона олишмади.