Belgiya terma jamoasi yarim himoyachisi Kevin De Bryuyne terma jamoadagi faoliyatini yakunlashi haqidagi savolga javob berdi.
Yevro-2024 2-turida Ruminiyaga qarshi o‘yin (2:0) De Bryuyne uchun terma jamoadagi 103-o‘yin bo‘ldi. Aynan "Manchester Siti" yarim himoyachisi uchrashuvning eng yaxshi futbolchisi deb topildi.
“Men bu jamoada ko‘p yillardan beri o‘ynab kelaman va yosh futbolchilarga o‘tqazishim mumkin bo‘lgan ko‘p bilimga egaman. Qachon tugatishimni hal qilmadim”, - dedi De Bryuyne o‘yindan keyingi intervyusida.