Xarri Keyn «Bavariya»ga o‘tganidan keyin ham klub darajasidagi sovrinsiz mavsumini davom ettirdi. Myunxenliklar yakunlangan mavsumda birorta sovrinni qo‘lga kirita olishmadi.

"The Telegraph" tarqatgan xabarga ko‘ra, Yevro-2024da muammoga duch kelayotgan Keyn kelasi mavsumda ruhiy bosim ostida qolishi mumkinligidan "Bavariya"dagilar xavotir olishmoqda.

Keyn Yevropa chempionatining Serbiya va Daniyaga qarshi dastlabki 2 ta uchrashuvidagi o‘yini orqali tanqidlarga uchradi. Mazkur bahslarda Xarrining o‘yinini ko‘rgan mutaxassislar futbolchi hamon «Bavariya»dagi muvaffaqiyatsizligi ta’siri ostidan chiqib keta olmayapti, degan fikrni ilgari surishmoqda.

Ma’lumot o‘rnida. Xarri Keyn faoliyati davomida klub safida birorta sovrinni qo‘lga kirita olmagan.