Dortmundning «Borussiya» klubi sobiq himoyachisi Mats Xummels Sesk Fabregas boshchiligidagi Italiyaning «Komo» klubiga o‘tishi mumkin. Bu haqda Footmercato xabar bermoqda.

Manba bergan xabarga ko‘ra, A Seriya debyutanti 30 iyun kuni erkin agentga aylanadigan futbolchiga 3 million yevrolik maosh bilan shartnoma hamda bonuslarni taklif qilgan. Xabar qilinishicha, Xummels bu taklifni ko‘rib chiqmoqda.

O‘tgan mavsumda 35 yoshli Xummels barcha musobaqalarda 40 ta o‘yinda qatnashib, 4 ta gol va bitta golli uzatmani amalga oshirgan.