“Nyukasl” yarim himoyachisi Bruno Gimaraesning shartnomasida endi tovon puli 130 million yevro emas. Variant bugun yarim tunda tugadi; birorta klub undan foydalanishga ulgurmadi.
Jurnalist Fabrisio Romanoning xabar berishicha, endi “Nyukasl” futbolchining kelajagini nazorat qila oladi. Avvalroq Gimaraes "Nyukasl"ni tark etib, keyingi mavsumda Chempionlar ligasida o‘ynaydigan jamoada o‘ynashni xohlayotgani haqida xabarlar tarqalgan edi.
Gimaraes xizmatlariga Londonning “Arsenal” va “Manchester Siti” kabi klublar qiziqish bildirishgan. Yarim himoyachiga shuningdek, 26 yoshli braziliyalik futbolchini transfer qilish uchun puli yo‘q bo‘lgan "Barselona" ham qiziqish bildirmoqda.
