Antuan Grizmann Fransiya terma jamoasi safida yirik turnirlardagi 33-uchrashuvini o‘tkazdi.
Fransiya terma jamoasi Yevro-2024 3-turida Polsha termasi bilan durang o‘ynadi (1:1).
Ushbu uchrashuvning 61-daqiqasida Antuan Grizmann zaxiradan maydonga tushdi. Shu tariqa u Fransiya terma jamoasi safida jahon va Yevropa chempionatlarida o‘zining 33-o‘yinini o‘tkazdi – boshqa hech kimda bunday raqamlar yo‘q.
Lilian Tyuram va Olivye Jiru Fransiya terma jamoasi safida yirik turnirlarda 32 ta, Tyerri Anri 28 ta, Zinedin Zidan esa 26 ta o‘yin o‘tkazgan.
