Luchano Spaletti rafiqasi vafotidan keyin italiyalik Sky Sport jurnalistini qo‘llab-quvvatlagan.

Germaniyada Yevro-2024 o‘yinlarini yoritayotgan Marko Nozotti salkam 30 yillik turmush o‘rtog‘ining ahvoli jiddiy yomonlashganidan keyin Italiyaga qaytishga majbur bo‘ldi. Jurnalistning rafiqasi vafot etdi, Nozotti bir necha kun uyda dafn marosimini o‘tkazdi. Shundan so‘ng, Marko Germaniyaga qaytib, Yevro uchun ishlay boshladi.

"U menga: "Biz birga olg‘a boramiz: men jamoam bilan, sen esa xotining bilan" dedi. U xotinimning kasal ekanligini bilar edi. Biz eski do‘stmiz, men Spaletti bilan bir shaharda tug‘ilganman.

Lekin rafiqam Ispaniya bilan o‘yin kuni, o‘yin boshida vafot etdi", — dedi Nozotti.

Nima bo‘lganini bilib, Spalletti eski do‘stini qo‘llab-quvvatladi. Nozotti Germaniyaga qaytgach, murabbiy Xorvatiya bilan o‘yin oldidan jurnalistni mahkam quchoqladi.

Italiyaliklar 98-daqiqada hisobni tenglashtirishga muvaffaq bo‘lgan o‘yin (1:1) yakunida Spalletti Markoga: "Ko‘rdingizmi? Silviya bizni gol urishga undadi, shunda biz oldinga intilamiz."

"Mana shunday, chunki Spaletti nafaqat murabbiy, balki sezgir, ajoyib inson. Endi esa biz jurnalist va murabbiy emas, balki ikki insonmix", — dedi Nozotti Relevo bilan suhbatda.