Milan Shkrinyar Slovakiyaning Angliya ustidan qozongan g‘alabasiga ishonishini aytdi.

Jamoalar Yevro-2024 1/8 finalida to‘qnash kelishadi.

“Angliyada ko‘plab yirik yulduzlar bor. Ularda yaxshi futbolchilar bor. Ammo biz ularning guruhdagi bir nechta o‘yinlarini ko‘rdik va ular hali eng yaxshi formada emas. Demak, ularni mag‘lub etish uchun imkoniyat bo‘lishi mumkin.

Agar biz saralash va guruhda bo‘lgani kabi bir jamoa bo‘lib o‘ynasak, ularni mag‘lub etishimizga ishonaman va umid qilaman.

G‘alaba albatta biz uchun o‘zgacha narsa bo‘ladi. Nafaqat men uchun, balki butun slovak xalqi uchun.

Agar Slovakiya Angliyani mag‘lub etsa, menimcha, bu Slovakiya uchun butun tarixidagi eng yaxshi natija bo‘ladi. Buni uddalay olamiz deb umid qilaman va ishonaman”, - dedi Slovakiya terma jamoasi himoyachisi Milan Shkrinyar.