«Bavariya» «Fulxem» yarim himoyachisi Joau Palinya transferi ustida ishlashda davom etmoqda. "Sky Germany" jurnalisti Florian Plettenberg ijtimoiy tarmoqlarda xabar berishicha, Myunxen klubi Palinya uchun 45-46 million yevro taklif qilgan. «Bavariya» bu taklifni oxirgisi sifatida ko‘rsatmoqda.

Manbaning qayd etishicha, tomonlar kelishuvni yopish imkoniyatiga optimistik qarashmoqda. «Bavariya» allaqachon 28 yoshli futbolchi bilan 2028 yilning o‘rtalariga qadar mo‘ljallangan shartnoma borasida kelishib olgan.

2023/2024 yilgi mavsumda Joau Palinya 41 ta rasmiy o‘yin o‘tkazib, 4 ta gol urdi va bitta golli uzatmani amalga oshirdi.